مفضلاتي في الارواج

بسم الله والصلاة والسلام على اشرف الأنبياء والمرسلين 

سيدنا ورسولنا محمد بن عبدالله

 

 

 

اليوم بإذن الله راح استعرض معكم مفضلاتي في الأرواج وألوانهم 

اولا انا شخصية أميل للرومانسية والكلاسيكية 

فيني بعض الجنون بس مااحب الشكل الخارج عن المألوف 

طلعت موضات  كثير في المكياج وألوانه 

بس ماقدرت أتقبل البعض منها مثل الوان الاًرواج الاسود والازرق والبني الغامق والبنفسجي الغامق والصارخ والعودي 

مااحبهم جربت استخدم موف غامق طلع حلو علي بس ماقدرت اتحمل شكله على شفايفي ومسحته 

 

نجي الماركات انا ضد التقليد والماركات الرخيصة في المكياج 

اخذت هالقناعه من ماما الله يحفظها 

ليش 

لان مره استخدمت روج رخيص فعلا جفف شفايفها وشققها لها 

مره كريم كان ماخذ ضجه وسيط 

سبب لها التهابات شديده وتنفخ وجها ورم 

وجلست اسبوع تتعالج بالكورتيزون بسبب هذا الكريم

 

لذلك قررنا 

كل رخيص بخيس

بس اذا الوحده امكانايتها ضعيفه 

عادي جدا تجلس تستخدم لونين طول السنه بسعر معقول ولا يكون عندها عشر الوان بسعر رخيص ويدمروا الشفايف 

 

 

ملخص سريع عن ايش طبيعة الروج اللي احبه

 

ثابت لفترة طويله لاني من النوع اللي مأحب اذا طلعت كل شوي أقابل المرايه 

افضل المات والساتين مااحب الكريمي 

اكره احساس كأني مدهنه شفايفي بكريم

 

 

ابدء بأول نوع أفضله 

الروج السائل من كات فون دي

 

ثابت جدا 

ما يجفف ما يشقق الشفايف 

الوانه جميله وسعره حلو 

اخذته من سيفورا امريكا

 

اسم الدرجة

Liquid lipstick Jeffree kat von d 

سواتش للدرجة من النت

 

 

 

الڤلڤيت من لايم كرايم

عشق ثبات محافظة على الشفايف لا جفاف ولا تشقق ولا يطلع لك خطوط وانتي حاطته بالعكس يخفي عيوب الشفايف 

اخذته من امريكا

 

اسم الدرجة

Suede berry lime crime

 

سواتش للوني المفضل من النت 

 

 

ارواج ماك

بديت احبهم من جيت امريكا 

لان اسعارهم معقوله وجودتهم عاليه وبتاتا البته مايأذوا الشفايف ولا يجففوها 

عندي منهم مجموعه كبيره 

اخترت منهم مفضلاتي لشهر أكتوبر

متوفره في كل بلد 

 

اسم اللون المفضل

Glaze pink poodle Mac

 

 

السواتش له من النت

 

 

اسمه

Matt Damn glamorous Mac

 

 

السواتش من النت

 

 

اسمه

Matt sparks of romance Mac

 

السواتش من النت

اسمه

Satin pink fringe Mac

 

السواتش من النت

اسمه

Satin viva glam Mac

 

هذا اللون عشق 😍😍

مااحطه الا كلن يسألني عنه 

وتندمت اني ماخذت منه باك اب لانه ليمتد اديشن 

كله انوثه ورومانسية هو ساتين اللي بين المات والكريمي يعطيك مظهر مطفي بس ملمسه ناعم

 

السواتش من النت

ارواج ان واي اكس سوفت مات ليب كريم

 

 

جودتها معقوله وثباتها حلو وماتجفف الشفايف 

وألوانها حلوه

موجوده في سنتر بوينت

 

اسمه

 Soft matte lip cream Stockholm nyx

اسمه

 Soft matte lip cream Tokyo nyx

 

ارواج ستيلا

احطه وأنسى اني حاطه روج وأتذكر اذا شفت نفسي في المرايه 🙊🙊

جدا ثابت ومايتغير ولا يجفف

بس يبغى دقة وانتي تحطيه لانه مايروح واذا تلحوس بتبلشين

اخذته من سيفورا امريكا

 

اسمه 

 Beso 10 stila

 

السواتش من النت

ارواج شانيل😕

مااحب ملمسهم على الشفايف بالرغم من ارتفاع سعره واسم ماركته

بس مافيه ثبات ولا احب اشتري منه كثير 

متوفر في دبنهامز

وباريس قاليري 

 

 

مرطباتي المفضله لهذا الشهر 

فازلين بالورد 

جدا خفيف على الشفايف ويرطب من قلب يحافظ على الشفايف رطبه لمده طويله 

ابد مايدبق ومو مثل الفازلين العادي

وشكل العلبه اخر كياته

استخدمه قبل النوم

اخذته من الدرق ستورز امريكا

بكذا اكون خلصت موضوعي عن الارواج وعنايتي بالشفايف

 

اتمنى يكون أعجبكم

 

واشوفكم قريب ان شاء الله