بسم الله الرحمن الرحيم
الصلاة والسلام على اشرف الأنبياء والمرسلين
سيدنا محمد وعلى آله وصحبه اجمعين
...
حكاية جميله احببت ان اشارككم فيها
...
انا من الناس اللي ابدا مااتقبل منظر وجود شعر في جسدي ولو خفيف لاي سبب
احسه يشوه انوثتي فكنت اول بأول اشيله
بس ماكنت اقدر استخدم حلاوة او شمع كانوا يألموني
كنت استخدم ايمجوي لنزع الشعر مو شفرة حلاقة
كان ألمها اخف وخصوصا لمنطقة السيقان والذراعين
مع استمراري عليها خففت كثير من الشعر عندي
___________________________________
وبعدين قررت اعمل ليزر اريح لي ولان وقتها ماكان عندي وقت لآلة كنت ابغى اكون جميله وجاهزه في كل الأوقات
جلست شهرين ابحث عن مركز حلو وثقه وجهازه جديد وتعامله كويس
تقريبا قرأت تجارب كثير وشفت مدح على مركز معين واللي مجمله الدكتوره اللي تشتغل فيه
كمية امانه وثقه ماشفت مثلها كثير كانت صريحه من البدايه وقالت لي ايش ينفعني وايش ماينفع
الخطوة الثانيه
جهزت ميزانيتي وحطيت مبلغ كامل على جنب يكفي لكل تكاليف وجلسات الليزر
المركز كان اغلى من غيره بس كنت مرتاحه وضامنه انه مافي حروق او اثار اتعب فيما بعد من علاجها
الخطوة الثالثه
قريت كل شئ يخص الليزر عيوبه مميزاته اثاره كل شئ لدرجة لمن كانت الدكتوره تعطيني التعليمات كنت اهز راسي بثقه
.
.
.
وبدأنا بسم الله
كان عندهم عرض ادفع قيمة ثلاث جلسات مقدما بسعر مخفض اخذته
.
.
اعتبارات راح تأثر وتتحكم في مدى نجاح جلسات الليزر
وتحدد كم جلسة ممكن تحتاجينها عشان يوقف نمو الشعر
لون البشرة عامل أساسي ويتحكم تحكم مباشر في مدة الجلسات
اذا البشره فاتحه فراح تكفيها جلسات اقل من الجلسات اللي بتستغرقها البشرة السمراء
طبيعة الشعر نفسه شعره سمكيه او شعره خفيفه
الشعر السميك نجاحه اكثر مع الليزر من الشعر الخفيف يحتاج علاج ضوئي ويطول اكثر
الهرمونات ابدا ماراح بستفيد الجسم من الليزر في حالة لخبطة الهرمونات خصوصا هرمون الحليب وهرمون الذكوره اذا كانوا مرتفعين فنصيحة تعالجي وبعدين فكري في الليزر
______________
عن تجربتي انا
بشرتي بيضاء
شعري اسود خفيف
منطقة البطن والوجه كان شعر وبري
مانصحتني الدكتوره ابدا بالليزر في الوجه والبطن
جربنا الضوئي للوجه خافت انه يزيد الشعر او يخليه اسمك
فأكتفيت بجلسه ضوئية للوجه وقفت ليش انا وجهي عمري ماستخدمت شمع او فتله او شئ فيه لسبب وانا صغيره شفت وحده تقرب لنا بشرتها بيبي فيس وهي في زواج ولدها وبما انها تقرب لنا عرفت سبب ماشاء الله اشراقة بشرتها نفس الشئ عمرها ماستخدمت الفتله او الشمع او غيره لوجهها فبالتالي ماحفزت الخلايا للتنشيط وإفراز شعر اكثر في الوجه
حتى يوم زواجي ماسويت والان تجيني حالة اروح ادور ابي اسوي شمع لوجهي ماحد معطيني وجه لان ماعندي شعر
فالدكتورة كانت امينه معي وماخلتني اخرب وجهي
بس سويت لمنطقة الشنب بالليزر
منطقة البطن اخذت يمكن اربع جلسات ضوئي والحمد لله اختفى بس ماكانت تشيله بالشفره
باقي الجسم ليزر عادي
اكثر منطقة كانت تألمني الفخوذ لاتقولوا بنج ومدري كيف كانت تألم
منطقة البكيني هذي كنت أتشهد فيها من الالم بس ماكنت اخلي الأخصائية تسويها عندي قناعة ان مو كل احد يجوز له يشوفها فكنت اطلب الدكتوره وثابت في كل مره هي اللي تسويها مو كل مره أخصائية شكل
المهم بعد سبع جلسات ليزر صارت المنطقة بيبي جدا جميله النتيجة
اخذت سبع جلسات بين الجلستين الاخيره سنين
كيف كانت طريقتي
رحت الموعد الاول
وشافت وهي اللي شالت بالشفره وخلاص عملت اول جلسه بعدها اجلس ثلاث ايام بدون صابون بس مويه فاتره مو حاره أدهن فيوسدين على كامل الأجزاء اللي سويت لها ليزر وخلاص أعيش حياتي الطبيعيه وبعدين موعد الرتوش كنت اروح الرتوش وكانوا محددين وقت معين بعد اسبوعين من الجلسه اذا تعديته خلاص يسير مو من حقي جلسة رتوش
اذا صادف عندي الدوره اكلم الدكتوره تمدد لي المده شوي وتوافق
الجلسة الثانيه مثلا تقول الدكتوره تعالي بعد شهر لا كنت اروح لمن احس الشعر نبت كثير وما اشيله في البيت بالعكس كنت اروح لهم فيه عشان يشوفون مدى نجاح واستجابة جسمي للعلاج
اخذت تقريبا اربع جلسات بين كل جلسة شهرين
الجلسة الخامسه بعدهم بعد اربع شهور
الجلسةالسادسه بعدها بسنه لان حصل عندي مرحلة حمل و ولاده واحتجت زي ماتقولون رتوش فأخذت جلسة كامله
والجلسة السابعه بعدها بسنتين برضوا مريت بمرحلة لخبطة هرمونات رضاعه وغيره
>
>
حاليا ماعندي شعر في جسمي
بشرتي فتح لونها اكثر بعد الليزر صارت اكثر بياض بلمعه طبيعيه
مااتسبب لي حروق الحمد لله او نمو شعر تحت الجلد
تقيمي للتجربة جميله جدا
١٠/١٠
انصح فيه اهلي واخواتي كثير
___________
الجهاز المنزلي لو على وقتي كان موجود مافكرت فيه
لسبب انا جالسة اقول في مناطق جدا جدا تألم ولو ما كانت الدكتوره متمرسه وفاهمه وحركتها سريعه جدا وخفيفه بحيث تحرق الشعر بدون ماتتسب في ألمي او حرق جلدي وتمشي على كل المناطق بالترتيب والسرعه واللي لاحظت انها كانت تغير قوة الجهاز تبع كل منطقة هل هذه المميزات تتوفر في المنزلي
الان انا اذا استخدمت الجهاز المنزلي كيف راح اقدر اكون سريعه مثلها او بجلس اطامر من منطقه لمنطقه بدون ماامشي على كل المناطق بحركه سريعه
اذا بتقولوا ليزر منزلي للبكيني البكيني هي اصعب منطقه وأكثرها كثافه للشعر
يبي لها ليزر مو ضوء واذا جلستي سنه على الضوء ماراح يفيد بشئ
فيكف وحده بتستخدم لنفسها ليزر منزلي وتتحمل قوة الالم لنفسها وتشتغل
مجرد رأيي الشخصي له ومع اني ماجربته ومافكرت اقرأ عنه كثير
بس فكرت بالمنطق
