السلام عليكم ورحمة الله وبركاته
الموضوع هذا انطلب مني كثير
وانا هنا ركزت على الاساسيات
اتمنى تستفيدوا منها بشكل كبير
.
.
.
المرأة وتغيرات الطبيعه
طلبتوا مني كثير وانشغلت عنكم
دائم افضل لمن اتكلم عن موضوع يكون شامل
المرأة بعد الولاده وأثناء الحمل
بداية لازم كل امرأة عندما تفكر وتقرر بالحمل
تاخذ موعد عند الطبيبه النسائية
تعمل اشعه على الرحم وتشوف مدى تهيئة واستعداد الرحم للحمل
تعمل تحاليل وتشوف ايش الفيتامينات والمعادن اللي ناقصتها وتبدي تأخذها
تبتدي بحبوب الفوليك أسيد من قبل الحمل
اذا كانت تحب هي تعمل خلطات العنايه بنفسها في البيت
فتبتدي تجهزها وتختار مواد الأفضل عضويه عشان ماتضر الجنين اثناء الحمل
انا كذا نظامي كنت وقتها متفرغه واتبعت هذه الخطوات
عملت خلطه جميله الجسم الحمد لله بعد الولاده ماضطريت لأية عمليات ابو برامج عناية مكلفه وباهظة
صرت بعد كل شور احط من هذه الخلطه يحفظ رطوبة جسمي وخفف كثير من السترتش ماركس
بعض السيدات معرضات لكلف الحمل وهو الشغل الشاغل لهم لان البعض يواجه صعوبه في علاجه بعد الولاده
لا تنتظري تولدين راجعي الطبيبه الجلديه هي راح تفيدك اكثر في هذا
الموضوع
كل شئ لابد له من تخطيط وجدوله صحيحه من قبل
ليش لابد من التخطيط من اول ؟
لان اثناء الحمل هورمونات الحمل ترتفع
الاستروجين والبروجسترون واللاكتيك
بالتالي مود ونفسية المرأة تتغير
تعيش لحظة قلق مع فرح
تفكر بشكلها والتغيرات اللي فيها
وصحة وسلامة البيبي
بعضهم يوصل لمرحلة تفقد الثقه في نفسها
وبعضها ماتحس ب ولا شئ من اللي ذكرته يختلف من انثى لأخرى
خليك مستعده لكل التغيرات
مرحلة وبتعدي وهي من اجمل المراحل في عمر المرأة
التغيرات كلها بتروح وتختفي
بترجعين عروسه ومعك بيبي
بس بشرط لا تهملي ولا تستسلمين اثناء الحمل
حافظي على رشاقتك بتوازنك في الوجبات
وزعي واجباتك على مدار اليوم ست وجبات بكميه قليله شامله كل العناصر الغذائية اللازمه
اذا اتبعتي هالطريقه راح تخففين من كمية الغثيان اللي تجي الحامل
ابتعدي عن الأكلات الغير مفيده بعضها فيه منه ضرر على الجنين مثل الأكلات النية كمان
رتبي يومك خلي لك وقت تسترخين فيه
خشمك كبر مايخالف بالكنتور صغيره بيرجع طبيعي بس شوية صبر
طلع لك نمش بالفاونديشن والكونسلير اخفيه
العبي مع نفسك صح
اهتمي بمتابعة طبيب الحمل
هذي الفتره فرصه لك تقربي من زوجك وتتفهميه اكثر
وصلتي الشهور الاخيره
انا عملت جدولين
واحد للمنتجات اللي بستخدمها في فتره الأربعين يوم
من والي وكتبته بالكمبيوتر وطبعته
وجبت كل الاغراض اللي بحتاجها في هذا الجدول
وجهزت خلطاتي وكلش قبل الولاده
واحد ثاني لنظام الاكل اللي يتبعه واوقاته والأعشاب
وبرضوا اخذت كل هالاشياء قبل الولاده وجهزتها
في علب وكل علبه اسمها
ومعها الجدول اللي كاتبه فيه كل شئ بأي وقت ومتى
وفي دفتر كاتبه
وش بسوي بعد مااولد شعري قَص صبغه او مجرد حمام زيت وكريم
بشرتي محتاجه فلير غمازه او مجرد عناية
ليرز محتاجه جلسة رتوش او وضعي تمام
لان لو كتبت بكون مجهزه برضوا ميزانيه لكذا
عشان اقولكم عني
تراني ماانتظر او احرم نفسي من شئ اثناء الحمل طالما ماراح يضرني او يضر الجنين
مثل صبغت شعري عادي جدا من الشهر الثالث
أسبح في المسبح بما انه جسمي وعضلاته متعوده على هذا الشئ
اسافر وأركب طيارة مشواير وانا حامل
عملت جلسة ليزر بأول حملي بس كنت متردده ومتخوفه وللامانه ما كررتها لان مافي مايثبت ضررها او نفعها
...
بس اللي لاحظت امهات كثير
يهملون نفسهم بعد الولاده
واستغربت
كيف مو قادره توزع وقتها لنفسها وللبيبي او كيف
عجزت استوعب شكوى مابعد الولاده
الاكيد انها طنشت وأهملت وجت بعدين تستوعب
وهنا راح تتعب كثير عشان تصلح الخطئ
اول بأول ابدئي ولا تستصعبي المسئله
سهلة بس محتاجه تخطيط وتنظيم وتركيز اكثر
.
.
بكذا اكون خلصت البوست
اتمنى أنكم تستفيدوا منه
اشوفكم في البوست القادم ان شاء الله
ماشاء الله روزي يعطيك العافيه كنت انتظرك موضوعك مره شكرا
ردحذف