بسم الله الرحمن الرحيم
وحشتوني
واكيد
وحشتكم
اخترت لكم اليوم منتجات سعرها معقول ومفعولها حال المنتجات اللي سعرها مرتفع
نبدء
راح اتكلم عن :
- مسكرا كڤرل جيرل
- قلم ايشادوانفنتي من ان واي اكس
- قلم عيون من ريميل لندن
- برونز من فيزيشن فورميلا
- كنسيلر وهايليتر من فيزيشن فورميلا
- اسفنجه ريل تكنيك
- مزيل المكياج من ريميل لندن
- بلشر كريمي اورنج من ان واي ايكس
مسكرا كفرل جيرل
بالنسبة لهذه المسكره جدا جميله ومن اسمها تعطيك كلمب للرموش يعني تعكفها وتطولها واضح حتى من شكل فرشاتها
انا بالنسبة لي حبيتها جدا للرموش السفليه فرشاتها خفيفه وتعطيني اللوك اللي ابي
لكن ابدا ماتعطي كثافه
اذا حابة تحصلين على كثافة وتطويل فأستخدميها هي والبرتقاليه مع بعض
وراح تحصلين على النتيجة المرغوبة تطويل وتكثيف
اكيد راح ارجع اشتريها
انا اخذتها من امريكا
عيوبها
مش متوفره في الخليج
تطلبينهم اون لاين
او
من التاجرات
تقيمي لها ٩/١٠
قلم ايشادو انفنتي من ان واي اكس
عجيب وجميل وينفع مع الزنقات يعني وانتي مستعجله تبين تطلعين وتبين كشخة عالسريع
هذا يفي بالغرض جدا ثباته عالي عشان كذا ادمجية بسرعه لا تنتظرين لانه راح يثبت وينشف
انا حتى مع مدمع العين استخدمه وأحيانا داخل العين
كريمي طبعا ومايسيح
المهم اني ناوية على باقي الالوان منه بإذن الله
متوفر في سنتر بوينت
والمحلات اللي توفر منتجات ان واي اكس
اذكر سعره تقريبا ٧ دولار
عيوبه
يثبت بسرعه لذلك كوني سريعه في دمجك له
تقيمي له ٩/١٠
قلم عيون من ريميل لندن
قبل اتكلم عنه انا عيوني حساسه ًمااحب اجازف بمنتجات رخيصة ممكن تتعب عيني
بس هذا يستاهل وجدا جميل وناعم وكريمي وثباته عالي
استخدمه لداخل الجفنِ او فوق الجفن بالدمج احيانا واحيان كخط ايلاينر
جربت رويال ماحبيته ولا عطاني وضوح وثبات مثل أقلام ريميل
متوفر في الصيدليات والأماكن اللي توفر منتجات ريميل
تقيمي له ٩/١٠
برونز من فيزيشن فورميلا
صراحة انا طلبته لان شكل التغليف يشوق ويفتح النفس
اخذت لايت
وثباته حلو وألوانه حلوه لمعته واضحه وقويه يستخدم اكثر كهيليت اكثر من برونز ممكن تدمجين ألوانه كلها او تستخدمين لون واحد
ميزة هالماركه انها طبيه وماتأذي البشره وأسعارها معقوله
راح ارجع اشتريه
عيوبه
مو متوفر في الخليج
تطلبينه اون لاين او من التاجرات
او ونتي مسافره
تقيمي له من حيث الهيالايت واللمعه ٩/١٠
هذا سواتش منه على يدي
كنسيلر وهايليتر من فيزيشن فورميلا
اخذته لنفس السبب البكينج حقه يشوق
جميل ينفع للي هالاتها خفيفه وينفع هايليت واضائه وفنشنج
حبيته
راح ارجع اشتريه
سعره مناسب
عيوبه
عدم توفره في الخليج
مافي منه الا درجه وحده يتميه بس فبس للي بشرتهم فاتحه
تطلبينه من التاجرات او اون لاين او وانتي مسافره
اسفنجة ريل تكنيك
عندي من زمان لكن تأخرت
أبغى أعطيها حقها في المدح صراحه
ليش انا فضلتها عن البيوتي بلندر
راس مالها اسفنجه بتتغير بعد شهرين ليش ادفع مبالغ طائله على منتج غالي وعندي بديل ارخص منه والنتيجة اجمل
بالأمانة عندي البيوتي بلندر
بس اليوم بس بعطي ريل تكنيك حقها
جميله جدا في الدمج رهيبه ومسكتها سهله
نصيحه اذا انتي من البنات اللي تستخدمين الاسفنجه يوميا انصح بتغيرها كل شهرين طريقة تنظيفها موجوده في حسابي بالفديو
اما اذا استخدامك لها قليل تقعد لين ست شهور
سعرها مناسب
طبعا راح اخذ منها لآخر العمر
عيبها
انها للاسف مو في الخليج
اون لاين
او تاجرات
او تاخذين لك كميه وانتي مسافره
مزيل المكياج من ريميل لندن
لقيت هذا ارخص وعبوته اصغر
اخذته كتجربه
عشان تفيدكم وأستفيد من دعواتكم
جميل يزيل المكياج من قلب
الحكم استخدم بعده فرشاة كلارسونيك تطلع لي بيضا تلق لق
لا يسبب تهيج او احمرار او حبوب
خالي من الزيوت
راح ارجع اشتريه
وأنصحكم فيه
سعره ٢٦ ريال
متوفر في الصيدليات
بلشر كريمي من ان واي اكس
يعطي نفس النتيجة وبسعر ارخص
وسهل الدمج والتوزيع تطبطي عالهالات المراد إخفائها قبل تحطي الكونسلير
متوفر في كل مكان يبيع منتجات ان واي اكس
لكن دايم مخلص
بكذا نكون خلصنا بوست اليوم
اللي أتمنى انه يعجبكم
وتستفيدوا منه
اشوفكم في البوستات القادمة ان شاء الله
مشكورة
ردحذف@ adno1110يسلموا على مدونه مفيدة
ردحذفالله يعطيكي العافية ❤
ردحذفمدونة جميلة وثرية
حذفNoha7900@
حذف@sssooo2224
ردحذفمدونه مفيده