وصف الدرما رول
عباره عن عجله فيها المئات من الإبر الصغيره جدا
تعمل بالتمرير على سطح البشره بكل خفه
الفكرة مأخوذة عن العلاج بالإبر الصينية قبل الالاف السنين
اسئلتكم
على اي اساس اختار حجم الإبر ؟
هل في منها فايده؟
كم مره تستخدم في اليوم او الاسبوع ؟
ايش مضارها وعيوبها ؟
هل تؤلم؟
هل الكل لازم يستخدمها؟
تختارين حجم الإبر بناء عن مدى رقة طبقة الجلد عندك كل ماكان جلدك رقيق ويتجرح بسرعه تبدأي بمقاس اصغر وتزودي تدريجيا
أنواعها
نوع لاستخدام لمنطقة العين
تكون اقل عدد واقصرهم
نوع للوجه والرأس ويكون عدد الإبر يتراوح مابين ٥٠٠-٦٠٠ أبره وبأحجام تبدأ
تبدء من 0.2 mmميكرو وتوصل الي
2 Mm
نوع للجسم وتزيد عدد الإبر من ٦٠٠ -٨٠٠ أبره وأحجام من mm١ الي mm٣
اذا كانت بشرتك سمكيه وماتتجرح بسهوله تقدري تبدأي بمقاس 0.7
انا اشوف ان بشرة الوجه ماتحتاج اكثر من واحد ملم
فوائدها
- تعالج الحبوب
- علامات التقدم في السن
- التجاعيد
- الاثار
- التصبغات الناتجه من التعرض لاشعة الشمس
- التجاعيد والانتفاخات حول العين
- الاسترتش ماركس
- تعالج تساقط شعر الرأس
ايش يستخدم معها
سيروم فيتامين سي
اواي سيروم انتي تشوفينه انه جاب معك نتيجه
مع الدرما رول بيجيب نتيجه افضل
آلية عمل الدرما رول
من خلال تمريرها على سطح الجلد تعمل على تحفيز خلايا الكولاجين الطبيعيه في البشره لإنتاج الكولاجين
بالتالي راح تمتص المواد المعالجة اللي تستخدمينها مع استخدامك للدرما بطريقة افضل
وتسرع في إعطائك النتائج المرجوه في فتره وجيزه
هل تألم
لو ضغطي فيها مره على البشره بتألمك
كل ما مررتيها على جزء صلب في بشرتك مثل الجبهة تألم اكثر من تمريرها على الخد
اذا مررتيها بخفه
احساس الألم هو الشعور بالتنميل
ماتطلع دم
فقط تحمر البشره بعد الاستخدام وهذي علامه ممتازه انك استخدمتي الدرما بطريقه صحيحه وفعاله
تستخدم من مرتين الي ثلاث مرات بالاسبوع
طريقتي
حجم الدرما حقتي 0.7
استخدمها مرتين في الاسبوع مبدئيا وبعدين ممكن أزيد المده
استخدمها في الليل قبل النوم بهذه الخطوات ؛
انظف بشرتي مره كويس
امسح بشرتي بالتونر بالقطنه
اعقم الرول بالمسحة الطبيه
أمرر الرول بكل الاتجاهات رايح جاي على كل جزء في الوجه لمده 5 ثواني وانتقل للمنطقه اللي بعدها
بعدها احط سيروم
بعد السريم احط مرطب " كريم او جل "
اخلص
اعقم الرول بالمسحه الطبيه احطها في علبتها
.
.
.
النتائج الفوريه اللي حصلت عليها
مظهر وحيوية البشره وظهورها بمظهر صحي لامع
ومشرق بشره ورديه
بعد ثاني اسبوع لاحظت الحبوب بدأت تخف تدريجياالتجاعيد خفت
التصبغات تحولت من اللون الغامق الي افتح
الي الان اجرب بس لوجهي
مستبعده فكره حول العين حاليا لاني خوافه
عيوبها
اذا استخدمتيها صح
مررتيها بخفه
عقمتيها صح
شريتيها من مكان مضمون
مااحد شاركك في استخدامها
استخدمتي معها سيروم مناسب
مافي منها مضار بإذن الله تعالى
هل تجيب نتيجة
طبعا واكيد وقطعا
تجيب نتائج فعالة جدا
تكلفتها جدا بسيطه مقارنه بأسعار الجلسات في العيادة
اخذت جلسات درما وانا عروس
في العياده كانت تألمني لانها ماتقدر تعرف اذا مقدار الضغط اللي تضغطه على بشرتي مناسب او لا
وكانت تكلفتي الجلسه الوحده ٢٥٠ ريال
اماكن اللي تبيعها
الصيدليات
امازون
التاجرات الثقه
.
.
.
بكذا اكون خلصت البوست اليوم اتمنى يعجبكم وتستفيدوا منه اشوفكم قريبا بإذن الله
روعه يعطيك العافيه
ردحذفيازين اللي متابعتني في كل مكان
حذف