بسم الله الرحمن الرحيم
والصلاة والسلام على اشرف الأنبياء والمرسلين سيدنا محمد رسول الله
راح ابدء بمفضلاتي الفتره الاخيره
اشياء جربتها ولاحظت منها نتائج تستحق اني أشاركم فيها
ببدءبسنفره من ماركة فارم هوس فرش
عندي من فتره وبديت استخدمها قريب
جدا جميله من اجمل السنفرات اللي جربتها بحياتي
مكوناتها السكر الابيض للتقشير
زبدة الشيا ترطيب
عصير ليمون وجريت فروت فيتامين سي تفتيح وشد وتنظيف
فعلا تخلي البشره تبرق نضارة وحيويه ماشاء الله
احب استخدمها لاني احب اشوف شكل بشرتي بعد ماغسلها
مناسبه ومثاليه لكل البشرات
سعرها ٢٥ دولار
بي بي تنت من تارت
جاني هديه لمن طلبت باليت تارتليت
وانبهرت بنتيجته
خلصته لآخر قطره
بشرتي مختلطه التي زون دهني
فيه نسبه حمايه من الشمس ٣٠ sph
ويعطي لون
مميزاته
خفيف على البشره جدا
مايتراكم او يكون طبقات
يسمح للبشره تتنفس
يجلس فوق الست ساعات مايتغير او يقلب رمادي
وفيه نسبة ترطيب
لاحظت دهن بسيط جدا في التي زون بعد اربع
ساعات وتعرض لمدة طويله للشمس
الدرجة كانت اغمق من لون بشرتي بس ماكان عندي مشكله لانه في الصيف وعادي اللون برونزي
فمثالي صراحه وحبيته
مسكرا بيتر ذان سيكس من توفيسد
سمعت عليها مدح كثير قلت اجربها
ماخاب المدح من انها تعطي طول وكثافه دراماتيكيه
وتعكف لي الرمش انا ماستخدم عكافة ابدا
وعلى حسب كم طبقه تحطين تعطيك النتيجة
فيها عيبين ومادري عندي انا بس او غيري لاحظ
بعد ساعتين ومع الحراره الاحظ قطع سوداء تحت عيني واذا حكيت عيني او مسحتها بمنديل تحرقني جدا 😔
هذي عيوبها بالنسبه لي
كريم لاينر من تارتليت
هو نفسه جل لاينر لكن طريقة تعليبه جدا عمليه
تحفظ المنتج اطول فتره ممكنه بدون مايجف او يتأثر بالهوا مثل باقي المنتجات اللي تتوهقين اذا انفتح
سواده حلو جدا سهل في الرسم وثابت
جربته في حر شديد ماساح او تسبب في سواد حول العين وطريقة مسحة جدا سهله وبسيطه
يجي معاه فرشاه لكن الفرشاه احترافيه
تسهل لك رسمة الوينقز ايز اذا انتي محترفه فيها واتقنت استخدام الفرشاة اكثر لمن ارسم خط الجفن السفلي ماهو ضد المويه لكن ثباته حتى ثمان ساعات
اخذته من سيفورا امريكا
سعره ١١٠ ريال تقريبا
باي فيشال من لانكوم
مزيل مكياج العيون
خلصته كله قبل اتكلم عنه
حبيته لانه بريحة الورد قوامه مائي
ناعم على العين يزيل المكياج من ثاني مسحه بس مع المسكرا يحتاج أعاده اكثر من مرتين
مايسبب هيجان البشره او احمرار
مناسب لكل انواع البشره
اخذته من سيفورا
بي بي من كلڤن كلاين
٣ في واحد
واقي من الشمس
تنت مرطب
وتغطيه
الوقايه فيه من الشمس جدا ضعيفه لذلك استخدم قبله واقي
بس مره حبيته خفيف على البشره بشكل يخليها تتنفس وتغطيته متوسطه بس ثابت جدا وناعم مايسبب حبوب او قشور
غطى عندي على كثير بي بي جربتهم قبله
جاني هدية للتجربه
الدرجة اللي عندي ٣٠٠ ساند
ينباع في اولتا بيوتي
بكذا اكون خلصت البوست اللي اتمنى يكون حاز على إعجابكم اشوفكم قريب انً شاء الله
ليست هناك تعليقات:
إرسال تعليق