ست الشام

السلام عليكم ورحمة الله وبركاته

في ليلة رمضانيه قررت أكسر الروتين واتعشى في مطعم

و وقع الاختيار على مطعم ست الشام

طبعا العشاء مفروض يكون بعد التروايح 

وهنا تبدء الحكايه

وصلت المطعم الساعه ١٠ قالوا لا نفتح عشر ونص 

رحت ورجعت مافي شئ فتح

انتظرت وانتظرت لاني حضرت وهيئت معدتي لهذا المطعم 

ودخلنا على الساعه ١١ 

الساعه ١١:٤٥ دقيقه كانت المقبلات على الطاوله

رأيي وتقيمي الشخصي للمطعم

ديكوراته شئ يفتح النفس ويحسسك فعلا انك برمضان

الديكور الشرقي والألوان وكل تفاصيله الدقيقه راقيه

حتى المصعد كان جميل 

 هذا المدخل  عشان تركبين المصعد

هذا اول ماتطلعين من المصعد

جمال صراحة وفخامه

ندخل في المينيو وايش طلبت

ماحصلت الشوربة اللي احبها فماطلبت شوربة

مقبلات بارده 

• حمص بيروتي
• كبه مشوية
• فتوش
• متبل

مره عجبني لذيذ جدا صراحه تقيمي للمقبلات ١٠/١٠ 

العيب الوحيد ماعندهم مخبز لخبز حار

نجي للوجبات الرئيسية

طلبت
 طؤشه ناسيه اذا كذا اسمها صح

عباره عن لحم مفروم مع جبن داخل خبز لبناني نحيف مشوي 

لذيذه

بس ماضربت في الدماغ عندي 

٨/١٠

 يمكن لاني تشبعت بالمقبلات 

وطلبنا صحن مشاوي مشكل

ثلاث اسياخ

ألذ مافيه الشيش طاووق لذيذ

اما باقي المشاوي ماضربت في الدماغ عندي

 تقيمي للشيش طاووق 
١٠/١٠

باقي المشاوي 
 ٨/١٠

العيب في الطبق الرئيسي مايجي معه طبق جانبي مثل رز او فرنش فرايز

مشروبي كان 

كوكتيل سعودي

بعد الاكل نغسل الأيدي

نجي للخلاصة

المواعيد مضروبة قال لنا بنفتح ١٠:٣٠

 الواقع فتح ١١:٣٠

مستوى النظافة ونظافة دورات المياه ١٠/١٠

 مستوى الاكل٩/١٠

مستوى الخدمة ٩/١٠

زيارة تستحق التجربة

وبكذا اكون خلصت البوست اللي أتمنى يعجبكم

اشوفكم قريبا بإذن الله

فطائر رمضانية

بسم الله الرحمن الرحيم

 كل عام وانتم بخير

مبارك عليكم شهر الخير

حبيت اشارككم ببعض اطباقي اللذيذه الخفيفه السريعه

ببدء بفطيرة المركب انا مسميتها

زووووم

مقادير العجين

1. كوبين ونصف دقيق
2. علبة زبادي
3. نصف كاس لبن تكونين مطلعته من بدري قبل العجن عشان يكون دافي مو بارد
4. ربع كأس زيت
5. ملعقة خميرة
6. ملعقة بكينج بودر
7. ملعقه صغيره ملح
8. ٣ملاعق سكر

الطريقة

تضعين المكونات الجافه كلها مع بعض في العجانه الكهربايئة وبعدين تضيفين عليها المقادير السائلة تتركينها تتنعجن لين تتكون لك عجينه متماسكة وطريه

تتطلعين العجينه تحطينها بعلبه وتغطيها تتركينها تتخمر شوي 

وبعدين نقطعينها تكونين منها كور متوسطة الحجم

وترصينهم على صينية وتغطينها

تاخذين على ثلاث كور تحطينها في شواية السندوتشات الكهربايئة هي بتنفرد وبتتبطط في الشوايه لمن يبتدي لونها ياخذ ذهبي صريح 

تطلعينها وتحطينها في الحافظه عشان ماتجف 

تكررين الخطوات السابقه لحد ماتخلص كمية العجين اللي عندك

تبدين الحشوه

تقسميها وتحشينها الحشوه اللي تحبينها 

الحشوات اللي استخدمتها

• بطاطس محمره مع طحينه
• جبن ابيض مع بقدونس وشرائح زيتون
• تونه مع شوي مايونيز

وبالهنا والعافيه 

النظافة الشخصية الأنثوية

بسم الله الرحمن الرحيم

سبق ونزلت هذا الموضوع في حسابي في الانستقرام وجاوبتكم على اغلب أسئلتكم فيه

وهنا قررت انقله لكم ليكون مرجع لكل فتاه وأنثى 

لان الكثير من الفتيات يحتاجون النصح في هذه الامور 

وهذه الامور غالبا تحتاج النصيحة من الام

وقد تكون هناك اسباب متعددة لغياب الام

بسم الله نبدء

شوفوا يابنات انا اتكلم معكم كأخت 

في كثير بنات الله يجزاهم خير تكلموا في هذا الموضوع وماتعمقوا

انا مااقدر ما أتعمق من واقع اللي اشوفه

الأنثى بالنسبة لنفسها وللرجل نعومه ودلال 

وهالشئ اول مصدر له النظافه الداخليه قبل الخارجيه

نقاط مهمه ابيكم تحرصون عليها

• الغسول يوميا مره وحده باليوم لابد يكون خاص بالمنطقة الحساسه اللي بالصوره جربته من سنين ومرتاحه عليه شفته موجود في وايتس بعد وانا اخذته من كندا وتقدرون تأخذون الغسول اللي يريحكم المهم خاص بالمنطقة الحساسه
• الاندروير "الكلوت "أقلها ثلاث مرات في اليوم تغيريه
• الفوط اليوميه تلبيسينها في حالة خروجك من المنزل فترات طويله في حالات السفر لكن وانتي جالسه في البيت استعيضي عنها بتغير الكلوت
• التنشيف ثم التنشيف ثم التنشيف بين الثنايا فاهمين علي من برى ومن جوا
• استغرب جدا من بنات يدخلون الحمام الله يعزكم ومافي مناديل ومن برى شكلهم سوبر اتيكيت لا يا ماما لا ياحبيتي اهتمي بالصغيره قبل الكبيره خذي مناديل معك وتنشفي

• حاولي اثناء النوم ماتكوني لابسه الكلوت خلي المنطقه تتهوا جدا مفيد بيمنع الرطوبه اللي هي تتسبب في سواد المنطقه وراح تتفتح معاك المنطقه مع الوقت
• الكلوت لازم يكون قطني ١٠٠٪ 
• لا تستخدمين الأنواع الاخرى الا في حالات الدلع والغنج لزوجك لكن بينك وبين نفسك وانتي طالعه البسي القطن الطبيعي افضل انواع القطن المصري والإنجليزي 
• اجلس مع نساء طول الجلسه وهم مزعجاتني بالنظافة والاهتمام وهم أزواجهم ينحاشون منهن الرجل مستحيل يتكلم بينفر منك ويتقرف وهو كاتم فمه حتى مايجوز ودي تحطين خشمة وتشمين المنطقه عشان تعرفين انا ايش اقصد
• عطري المنطقه بعطور دهنيه بين الفخوذ والمؤخرة مسحه بسيطه أفضلها بالنسبه لاختياراتي الشخصيه مسك العروس والمسك الابيض وشجرة أرز لبنان تجلس ريحتها حتى بعد غسيل الملابس 

• قبل تلبسين الاندروير نثره بسيطه جدا جدا من مبشور المسك الابيض اخذه من عبدالصمد برضوا ولك الخيار انك تاخذيه من اي مكان انتي مرتاحه عليه
• الحلاقة حرام عليكم تضيعون انوثتكم بهالشعر خليكم بيبي وطرقها كثير واللي بالصوره هذي معاي للضروره لكن انا عملت ليزر قبل أتزوج وارتحت كثير الحمد لله
• نجي للحريم اللي كل ولاده طبيعيه تزعج الدكتور بالخيط والخياط ولا تروح عمليه ثاني وشد وضيق لاتزعلون مني هالعملية مره وحده بس لانه يتم فيها شد العضلات متى ماحبيتي تسوينها حطي في بالك مافي إنجاب بعدها ماله داعي شد ومد  راح يضيق بترهل اذا تكررت اكثر من مره طيب كيف تحافظين على عضلاتك طبيعيه عن طريق التمارين وخصوصا اثناء الحمل لان البيبي يضغط عالحوض ويرخي العضلات فأنتي شغلتك كل ماتذكرتي تسوين كأنك في الحمام تمسكي وترخي فهمتوا علي 
• المنطقه جافه استخدمي كريم كي واي مائي جميل قبل عمليه الجماع
• بعد كل دوره خذي لك من عبد الصمد القرشي مسك الطهاره وطهري فيه المنطقه المتزوجات داخلي بتخفيف البنات خارجي برضوا بتخفيف 

• حذاري تغسلين المهبل بالصابون العادي بيسبب لك التهابات وكوارث لانه يقتل البكتيريا النافعه 
• وفوق كل هذا للمتزوجات الجفا والصد يخلي الرجل يبحث عن بديل حبيه وقدمي تنازلات بسيطه يتذكرها وقت الشده 

اعذروني لكن حبيت انقل لكم واقع الكثير ينكرونه وانا اشوفه اثناء الفحص وازعل على خواتي 

احبكم في الله

بكذا يكون البوست انتهى

اشوفكم قريبا بإذن الله

اسكاليني

بسم الله الرحمن الرحيم

وحشتوني

ًعالسريع

انا من عشاق ايطالينو فود

وكنت على صلة وثاق بأسكاليني

وطبعا متعوده علي جلساته الهاديةً جدا الرايقه

المهم 

لمن نزلت اجازه كان لابد لي من زياره له

وفعلا عملتها وزرته

احب جلساته جدا رايقه وهادية

بس للامانه كنباته خلاص مره قدمت ومحتاجه تغيير

نجي لمستوى الخدمة ممتاز

مااحب لمن اروح مطعم الجرسون يجي على راسي

لا ذولي تاركيني على راحتي 

وانا أطول وانا اختار

وأسلوبهم ذوق

ندخل على الاكل 

طلبت

• سالمون مشوي
• جمبرتيا ان سلسا روز
• رزويتا
• عصير برتقال

• سالمون مشوي

للامانه له اسم بس من الجوع نسيت احفظه

المهم عباره عن سالمون مشوي بزيت الزيتون ومبهر وفوقه قطع طماطم

والطبق الجانبي سباجتي بالزبدة وعليها برميزان

مره لذيذ السالمون انا احبه جدا

والسباجتي طعمها جاز لي جدا لذيذه

تقيمي للطبق

 ٩/١٠

جمبريتا ان سلسا روز

 عبارة عن جمبري مسلوق ومقشر عليه كاتشب سوس وتحته طبقة جزر ملفوف مبشور معهم رانش سوس 

طعم الكاتشب غالب على طعم الجمبري

والطبقة اللي تحت مره كريميه

يعني مانال مني إعجاب كبير 

تقيمي له 
 ٦/١٠

رزويتا

عباره عن رز بالسمن والجبن وفيه جزر مقطع صغير وانتي تطلبي بالجمبري او سمك او دجاج او لحم مثل ماانتي حابه

انا اخذته بالجمبري 

آه يا هو لذيذ منتهى اللذه 

عجزت اقاوم اخر ملعقه 

اجمل شئ وألذ شئ في الاكل

يدخل في الراس

جربوه ولا تفوتونه

تقيمي له ١١/١٠

ترامسيو

 

انا اكثر ترامسيو يجنني

اللي اخذه من انواع القهوه

او وقت القهوه. اللي في التحلية

ًأقيس عليه الباقي

هذا حسيته مو ترامسيو اصلي

بس لذيذ

عيبه طبقة الكريمة كانت شبة مجمده

والسوس كان مره ثقيل 

تقيمي له ٨/١٠

صوره للتذويق

عيوب المطعم

في حي السفارات وفي معاناة ومأساة في دخول هذا الحي

مش الكل يقدر يدخله

كنباته قدمت ومحتاجه تغير

مميزاته

اكله نظيف ولذيذ

خدمة جيدة

هادي ورايق جدا

جو اوربي

اغلب  زباينه أجانب

 يعني ماقد رحت وسمعت صجة اطفال

 

بكذا اكون خلصت البوست أتمنى يكون أعجبكم

واشوفكم في البوستات القادمة

بإذن الله

تقييمي لمجموعة رويال من محلات نزيه

بسم الله الرحمن الرحيم

الحمد لله حمدا لا يليق الا بجلالة وعظيم سلطانه

لاحظت في الاونه الأخيره انه اغلب البنات صار عندهم هوس الشراء اون لاين ومن التاجرات وتقريبا ماعاد يهتمون بالمنتجات المتوفرة تحت يدهم في الاسواق وبأسعار مناسبة جدا وجوده عاليه 

فقررت اوفر عليكم عناء البحث 

وأقيم لكم اليوم منتجات متوفره عندكم يابنات

 رحت نزيه 

حصلت عندهم عرض حلو على مجموعة مسكات وكريمات تقشير رويال 

اخذت ست حبات ب ٤٥ ريال بس 

اللي اليوم راح أعطيكم انطباع عنهم 

نبدء بسم الله

 

بنتكلم عن

1. ماسك النعناع لتنقية البشره
2. قناع الطحالب البحرية لشد البشره
3. كريم سنفرة الوجه والجسم باللوز
4. كريم مقشر للوجه بالتوت
5. كريم الكولاجين المرطب لبشرة الوجه بالدراق

ماسك النعناع

ريحته كأنه معجون اسنان اول مااحطه اكون طبعا مسنفره بشرتي قبل احطه يجلس وجهي يحرقني لثلاث دقايق امر جدا طبيعي لانه حار وبالنعناع

لكن بعد كذا يبرد انتظر لين اشوفه جف على وجهي 

مكتوب عليه من خمس لعشر دقايق بس ممكن أوصله لربع ساعه عادي جدا

بعده أغسل وجهي بمويه فاتره 

ايش أللقى نقاء وصفاء بشره ونضاره فوريه بدون مبالغه

كان عندي كم حبه من حبوب الدوره 

اخفها لي وقتلها تماماً بدون اثر

الود ودي احطه كل يوم من حبي له

استخدمته لكل البيت ومره أعجبتهم النتيجة

عيوبه

ريحته اللي معجون اسنان

لمن يحرق البشره وهذا طبيعي بفعل خواصه 

تقيمي له 

٩/١٠

هل راح ارجع اشتريه نعم

من نزيه

سعره بدون عرض ١٣،٥ ريال سعودي وكميته كبيره بيجلس عندك فتره طويله

قناع الطحالب البحرية لشد البشره

ريحته نوعا ما مقبوله جايه على عطر رجالي شوي فيه قطع كبيره اللي هي عباره عن طحالب فطبيعي جدا وجود هذه القطع

اول ما احطه عالبشره احسه يحك ويحرق البشره

يختفي هذا الشعور بعد مايبرد او بعد دقيقتين

أضعه على بشرتي بعد سنفرة بشرتي

اتركه لمده خمس الي عشر دقايق 

او الي ان يجف وبعده أغسل وجهي بموية فاتره النتيجة بشرة مشدوده نصره وحيويه

عيوبه 

لو تركتيه مفتوح راح يتغير لونه 

وجود القطع الكبيره وهذه طبيعيه

الحكه او اللسعه اللي يسببه اول ما احطه 

متوفر في نزيه بسعر ١٣.٥بدون خصم

تقيمي له 
١٠/١٠

راح ارجع اشتريه طبعا

شكله من الداخل 

كريم سنفرة الوجه والجسم باللوز

ملمسه ناعم كريمي وحبيباته ناعمه ريحته لوز خام مره قويه ويحرق ويلسع بشرتي

 لذلك مااحط الا كميه قليله جدا لكن نتيجته خيال

يرطب وينظف ويخلي البشره تلق لق نظافه ولمعان

ينفع اكثر لبشرة الجسم

عيوبه

يحرق بشرتي ويلسعها حار عليها

ريحته قويه 

ما انصح فيه للبشره الحساسه والملتهبه

تقيمي له نتيجته ١٠/١٠

متوفر في نزيه بسعر حول ١٤ ريال سعودي كميته كبيره ويطول معاك مده

طبعا راح ارجع اشتريه

شكله من الداخل

كريم مقشر للوجه بالتوت

اخذته عشان لونه يونس لكن نتيجته بعد جدا جميله ملمسه ناعم ًحبيباته صغيره

ينفع للبشره الحساسه 

يترك بشره تلقلق نعومه ولمعان 

طريقته 

ابلل وجهي بالماء وأحط السنفره بحركات دائريه أفرك بشرتي ومن اخليه خمس دقايق

اغسله بمويه فاتره

انشف وجهي 

احط الماسك اللي ابي

تقيمي ١٠/١٠

راح ارجع اشتريه

متوفر في نزيه سعر ١٣ ريال تقريبا وكميه تجلس معك مده طويله

كريم الكولاجين المرطب لبشره الوجه

  

جذبني فيه لونه 

استخدمته بعد الماسك ترطيبه عالي جدا

بس لا تتوقعون منه يعبي الفراغات او يشد البشره في فتره قصيره 

الا ممكن بعد فترة استخدام طويله

اذا احتجتي مرطب لذيذ وكميه كبيره وسعر رخيص 

مالك الا هذا 

تقيمي له ٧/١٠

قابل للأكل 😋 

بكذا اكون خلصت البوست اللي أتمنى  انه يكون أعجبكم واستفدتوا منه اشوفكم قريب بإذن الله

البديل الأجمل لبودرة التلك

بسم الله الرحمن الرحيم

وبه نستعين 

وعليه نتوكل ولا نتواكل

وعدت جميلاتي بهذا الموضوع اللي اكثر من رائع

كبديل طبيعي وآمن جدا وأكثر فائده بكثير من بودرة التلك

نبدء بسم الله

نحتاج الي

1. نشاء
2. ورد مجفف
3. مكعب مسك ابيض "اختيار شخصي عبد الصمد القرشي"
4. علبة بودره فارغه
5. قمع

 

 

 

فوائد النشاء

تفتيح وتبيض البشره

منع الالتهابات

القضاء على البكتيريا

تكون طبقه واقيه من الاحتكاك

تقلل من نمو الشعر 

نعومه وترطيب

شد البشره

أمنه جدا للحامل والمرضع والرضيع

خاليه من اي كيماويات

فوائد الورد

رائحه عطريه

توريد وتفتيح الجلد

شد البشره

يقلل من المسام

فوائد المسك

الروائح العطرية المحببه لي شخصيا

ويبعث على انتعاشي وسعادتي

الطريقه

 

نبشر قليل من المسك

نطحن الورد حتى يكون بودره مثل النشاء

كذا خلاص كل المكونات جاهزه

نحضر القمع ونفرغه في علبة البودره الفارغه الموجوده من قبل

وبكذا 

خلاص 

اصبح لدينا بودره أمنه جدا تحطينها على المكان اللي تبغين بدون تخوف او قلق

لكن نصيحة

احرصي دائماً ان البودره ماتدخل داخل جسمك حتى لا تتسبب في التهابات او انسدادات انتي في غنى عنها

 حفظنا الله وإياكم 

كذا خلصنا بوست اليوم

أتمنى يكون عجبكم واستفدتوا منه

دعوه حلوه في ظهر الغيب

اشوفكم في البوستات القادمة بإذن الله